Nular

badha magrib aku nyiapke lawuh lan sayuran kanggo maem. aku uga nyiapke krupuk urang soale ayahe paling ora tahan ning maem ga kekancan krupuk. Nembe nggoreng oleh telung iji, musibah teka. minyak panas sak sendok nyiprat ning sikil tengenku. untung wae aku sing biasanane panik langsung nggolek Bioplacenton ning kotak obat. aku ngoleske lumayan akeh mergane cen panas banget. lumayan adem nyep, tapi bar kuwe langsung krasa meneh panas lan senut-senute. karo ayahe, sikilku di kipasi. mergo olehe ngipasi manual lan suwe, ayahe banjur masang kipas angin lan disetting ben pas ning sikilku sing kena minyak. kipas angine banter, tapi aku ngrasa ora kepenak. cen sing manual kuwe sing kepenak. akhire aku nduwe ide, ngombe asam mefenamat sak tablet kanggo ngurangi perihe. ora let suwe, aku ketrunon. jam 9 bengi ayahe nggugah, njaluk dikancani maem. bar maem ora nganggo ngenteni sejam ben segane mudhun, aku wis mapan ning kamar. pas banget udan banter, hawane sejuk penak kanggo turu.
pas adzan subuh, ayahe nggugah ngajak sholat jamaah. rada aras-arasen tangi, tapi akhire aku tangi lan wudhu. pas ngusap sikil, ra kroso lara lan ora mlepuh. Bar sholat, aku beres-beres lan siap-siap ngantor. eh, wis arep menyang, drijine dek Aiz kecepit lawang. Nangise banter. aku ndelok drijine. ana kulit sing nglupas. cepetan aku baluri Betadine trus tak plester tapi ora kenceng-kenceng. turut ndalan mdek Aiz mingseg-mingseg. mesakke tenan.
bar nganter aku, ayahe lan dek Aiz balik ngomah. Njur ayahe ngirim poto lewat WA. Aiz lagi nonton Timmy karo ngulure tangane cedhak kipas angin. duh,...kok nular yo dek..mbengi bunda sing dikipasi, saiki dek Aiz-e.